ذبحنـي هالسـؤال!!!!!

[انثى من نور]

قصيده جدا" رائعه ..
للشاعر جابر هايف العتيبي..




ذبحنـي هالسـؤال أرجـوك قـلـي بــس وش جـابـه..؟؟
دخـيـلـك لــيــه تـتـعـمـد مــــع ضـحـكــك تبـكـيـنـي..؟؟

مــن الـبـارح تعـيـده هالـسـؤال وتـطـرق أبـوابــه..!!
علـى نـفـس الطـريـق الـلـي تـجـي مـنـه توديـنـي..؟؟

يـاأخـي وش تـبــي مـنــي وحـزنــي وش تلـقـابـه..!!
يهمـك إيــش فــي هــذا.؟ عـذابـي وإنخـلـق فيـنـي.!!

تـبـي تـعـرف حكـايـة شـاعــر جـمـهـوره أحـبـابـه..!!
تـبـي تـعـرف يصـفـق لـيـه جمـهـوري ويحيـيـنـي..؟؟

لأن الشـعـر عـنـدي مـاهـو بـــس أوراق وكـتـابـه..!!
ولانـي مـن فــراغ أكـتـب وأبــي تكـثـر دواويـنـي..!!

تبـي تعـرف شـاعـر لـيـه؟؟ هــاك الشـعـر وأسبـابـه؟؟
تـبــي تـعــرف مـكـانــي ويـن.؟؟رتـبـهـا وتـلاقـيـنـي.؟

فـقـر مــال.. فـقــر حـــال.. وفـقــر حـيـلـه وطـلابــه..
فــقـــر حـــــظ كـريـم..أمــدلــه كـــفـــي ويـعـطـيـنــي..

فـقــر ديـن..فـقـر دنـيـا..وجــوع تـنـهــش أنـيـابــه..!
فـقــر راحـه..فـقـر صـحـه..فـقـر فــرحــه تنـسـيـنـي..

فـقـر.أيـه الـفـقـر يـعـنـي ضـيــاع الـعـمــر وركــابــه..
فـقــر يـعـنـي فـقــر يـعـنـي عـــذاب وظـيــم مالـيـنـي..

وراس الفقر..وراس الجوع..وعمر طـارت أسرابـه..
وحـــق الـدرهــم الـلــي مــانــوى مــــره يـخـاويـنـي..

رضعت الويـل مـن صغـري ولبسـت الحـزن وثيابـه..
عـلـى شــط الشـقـاء مـولـود وهـمـي كــان يرويـنـي..

تقـطـع وجـهــي وجـلــدي بـنــاب الـفـقـر ومـخـلابـه..
ولـكـنـي عـزيــز الـنـفــس ولــــو أحــتــاج تغـنـيـنـي..

كسـانـي ثـوبـي المشـقـوق وبـيـن الـنــاس أزهـابــه..
وكــلــن يـلـتـفـت يــمــي يــظــن بـتـنـكـسـر عـيــنــي..

حشـا ماتنكـسـر عيـنـي وأنــا الـلـي وقـتـه يهـابـه..!!
عــزاي أنــي فـقـيـر وصـــارت الـنـظـرات ترمـيـنـي..

عـيــون الـنــاس تطعنـي..وكـلـن يـغــرس أحــرابــه..
بـعـض عـيـون أقـدرهـا وبـعـض عـيـون تدميـنـي..!!

وشـلــي مـابـعـد قـلـتــه وتـبـغــى تــعــرف أعــرابــه..
مـضــت سـاعــات أتـكـلـم وأنــــت بــــس تـوحـيـنـي..

تبـي تعـرف حكايـة عشـق وبـنـت حيييييـيـل لعـابـه..
تبـي تعـرف عـن أسبـاب الجفـاء مابينهـا وبينـي..؟؟

تــخــيــل جــتــنــي وقـــالـــت فـــمـــان الله يــابــابـــا..
تــشـــرفـــنـــا بــمــعــرفــتـــكـويالله لاتـــأذيــــنــــي..!!

وأنا أعشقها "ثمان سنين" وهي (تلعب وكذابه)..!!
تـســلــي نـفـسـهــا فـيــنــي ونـيـتــهــا تـخـلـيـنــي..!!

تـبـي تـعـرف حكـايـة قـبـر وطـفـلـه تـسـكـن تـرابــه..
تــبـــي أقــولـــك مـظــلــوم ودم الـطـفـلــه بـيـديـنــي..

تبي تعـرف وش الغربـه ومـن اللـي طـول غيابـه..؟؟
تـبـي أحـكـي قـبـل أعــوام بالتفصـيـل أنـــا ويـنــي.؟؟

تبي أحكي لك عـن الزاهـد وعـن ذنبـه فـي محرابـه..
دخيـلـك مـاأقـدر أتكـلـم خـــلاص أرجـــوك أعفـيـنـي..

قـســم بالله فـــي صـــدري مـديـنـه تـلـتـحـف غــابــه..
مـديــنــه سـاكــنــه قـلــبــي وغـابـتـهــا شـرايـيــنــي..

دخيـلـك سـكـر المـوضـوع وشـفـلـك شـــي تـسـلابـه..
أنــــا مــنــك ألاقـيـهــا أو ألـقــاهــا مـــــن سـنـيـنــي..

[حلم]

هلا حواء رغم الهموم
الا ان الاإبداع ارتسم بروعة اختيارك
كل التقدير سيدتي

..:: تحياتي ::..

[انثى من نور]

أشكرك على تلبية:) طلبي بمرورك على ماسطرته هنا
والف شكر على التقدير فأنا لست إلا ناقله للكلام الجيد
دمت نتابع

[نـادر الـوجـــود]

عـيــون الـنــاس تطعنـي..وكـلـن يـغــرس أحــرابــه..
بـعـض عـيـون أقـدرهـا وبـعـض عـيـون تدميـنـي..!!

انا اشهد انه شااااعر

ومتذوقه وناقله اروع من الشاعر


مو شرط اننا نكتب الشعر
حتى لو لم نمتلك تلك الموهبه
يكفي اننا نتذوق الشعر

ونشكر ناقله
على تميز انتقاءهـ


تحياتي لك

[انثى من نور]

انا اشهد انه شااااعر

ومتذوقه وناقله اروع من الشاعر


مو شرط اننا نكتب الشعر
حتى لو لم نمتلك تلك الموهبه
يكفي اننا نتذوق الشعر

ونشكر ناقله
على تميز انتقاءهـ


تحياتي لك

أشكرك نادر على الإطراء فإعجابك بما أنتقي يضاهي روعة ما أنتقيه..
وأستمرار أمثالك لمتابعة الجديد يدفعني للإستمرار بالبحث للإفضل..
دمت أخي بود..

[هتون الغيم]

الابيات بأكملها رائعه

سلم النقل وسلم الذوق

تقبلى حضوري البسيط

وننتظر منك كل جديد

تحياتي

[الجـــــوووري]

سلمت يداك على النقل الرائع والمميز