مكافح الفيروسات ...؟

[دنــدونــ]

أخواني أحب ان ارى آرآئكم حول مكافح الفيروسات اللي تستخدمونه ...

وش البرنامج اللي انتم تستخدمونه .

ياليت ارى تفاعل منكم حول هالموضوع واحب ان أضيف.

أنا استخدم مكافي . لانه بصراحه برنامج أخف من النورتن وتقدر تسوي الاوبديت اوتماتيك بمجرد الاتصال بالنت . وهو بالمناسبة ابديت على طوووول .

يعني اي فايروووس ينزل ما يمديه يتهنى .بس ياليت الكل يدلي بمعلومات حول برامج الحمايه ووش سبب اختيارهـ له ,, تحياتي لكم ,,,

[قاهرغرورك]

اما انا استخدم نورتن انتي فايروووس

وش السبب جا مع الجهاز كذا . بس يادندون وش احسن برنامج لمكافحة الفيروسات ...؟
شكرا لكــ .

[سامي،،،]

[ تحياتي دندون انا انصحك برنامج kaspersky Anti-Virus لأنه بصراحة افضل برنامج للحماية بستشارة الخبرا
واذاتبغى البرنامج + الكراك ابشر بعزك ::::::::::::::::::::::::::::: تحياتي ............. سامي ،،،

;)

[دنــدونــ]

سامي ...؟ البرنامج غني التعريف ...؟

بس ابي سبب مقنع لاستخدامكـ لها البرنامج ..؟
تحياتي لكــ .

[الصقر]

اقوى مكافح فايروسات لعام 2009 هو Avira AntiVir

[الصقر]

لآنه اقوى صائد فايروسات لعام 2009 وانا استخدمه ماشي معي زي السلام عليكم

[لـيـل الغرامـ]

وعليكم السلام
رد على اخوي الصقر


اخوي دنـدونـ
انا انصحك بأي برنامج مو شرط برنامج معين بس

لازم يكون اصلي !!!
يعني تشتريه من المحل وتنزله وتحتفظ بالسيدي معاك
وهذي افضل طريقه لحماية جهازك من الفايروسات
وهذي مجربه من محب
ولك تحياتي

[دنــدونــ]

الكنقدراقون كلامك في محله.

بس لا ننسى ان هنالك قاعدة بيانات لك برنامج وتحتاج الى تحديث دوري للفيروسات فكل يوم ينزل اكثر من عشرات الآلاف من الفيروسات واصبحت زي الفصفص .

لكن انا حبيت ان اوضح الفرق بين البرامج المشهورة :

kaspersky Anti-Virus
Nortin Anti-Virus
Mcafee Anti-Virus

من حيث تصيدها للفايروس وقاعدة البيانات اللتي تتعامل معها :

الأول منتاز وما عليه غبار اللي هو الكاسبر بس عيبه الوحيد تحديثه الدوري لقاعدة البيانات بطيء. يعني لمى يكون عندك ذاكرة تخزين يو اس بي وتحتوي على فايروس وتجي تبحث بالكاسبر ما تحصله وتبحث بالمكافي وتحصله هنا يكمن الفرق .

اما المقارنة بين النورتن والمكافي من ناحية اداء البرنامج فالنورتن اسمح لي ان اقول انه يستهلك مساحة كبيرة في الرام مقابل المكافي.

فمن نتيجة المقارنة نجد ان المكافي افضل اداء وافضل تصيدا للفايروسات اولا بأول.

ولا ننسى التحديث اليومي للبرنامج. والا البرنامج يعتبر بلا فائدة.

الشيء الأخير اللي حبيت ان اوضحه اغلب البرامج تعتبر بعض البرامج فايروسات ولا تفرق بين الفايروس والبرنامج.

وهذا خطأ برمجي في البرنامج. لكن في المكافيء ازهل الموضوع.

هذا ما حبيت ان اوصل له ولكم جزيل شكري ياللي شاركوا .

ودمت بود وسلامة من الفايروسات.

[لودي]

السلام عليكم أخوي دندون

أما أنا بصراحة أستخدم برنامج كاسبر سيكورتي 2009 وهو رائع بمعنى الكلمة
لان متعرف على جميع الفايروسات القديمة والجديدة, القوية والضعيفة, وهو يقوم بحماية جهازك مع استخدام النت وبه ميزات خيالية أسئل عنه وشوف.
وأنا أدرس تخصص حاسب وهذا اللي نصحوني به المهندسين ,,,
أنصحك أخذ النسخة الأصلية المتوفرة بالاسواق وسعرة 170ريال

والحمدلله ماشي معي زي العسل ...
هذي نصيحتي . وأنت براحتك.!!!

تحياتي

[ولـــــدالديـــــره]

دندون

يارب يسعدك ويوفقك ويخليك لأمك

الصراحه موضوعك يستاهل

وانا والله لطفشت اي برنامج اثبته بالجهازللحمايه ..

ولكن انا ثبت برنامج... (( Ka -Virus 2009 ))spersky Anti
ولكن مع الأسف الكووود موو عندي..

واذا في برنامج افضل منه ياليت الباقين يعلموني به..

[دنــدونــ]

ولد الديرة حياك الله اخوي.

شرحت لك فوق ان المكافي من وجهة نظري تقنيا افضل.

وذلك يرجع لخفة البرنامج وسهولة ارتباطه بقاعدة البيانات بعكس النورتن.
تحديثة المستمر للفايروسات يوميا للمعلومية .
أخطاءه البرمجية شبه معدومة مقارنة مع البرامج الاخرى التي لا تفرق بين الفايروسات والباتش او البرامج.

وللمعلومية مو شرط ان يكون الباتش ضار الباتش هنا اقصد به ملف يرتبط مع ملف اخر او برنامج اخر .

بالعربي يا ولد الديرة خلك على المكافي نصيحة بس انتبه تنزل برنامجين حماية في وقت واحد .

تراها زي الديكة ما تعيش بزريبة واحدة راح تدمر لك الجهاز.

أحذف الاول وركب اللي تبيه بعده, ودمت بود وبسلامة من الفايروسات.

[أبـــوزيـــاد]

kaspersky Anti-Virus

أنا استخدم الكاسبر عشان هو دقيق مره في مكافحة التجسس

أي نعم بطي في إستخراج الفايروس من بعض الملفات لكن لوكان البرنامج أب ديت على طول فهو دقيق جداً في مكافحة الفايروسات وملفات التجسس

وهو خفيف نوعاً ما على الجهاز .........

ويسمونه الدب الروسي

برنامج مكافي ممتاز وخفيف جداً على الجهاز بس يمكن إختراقه وسار معي أنا ذا الشئ

[دنــدونــ]

هلا بك اخوي ابو زياد.

خلني اوضح لك فكرة عمل برنامج الفايروسات.
تخيل انه يدور على الملفات ملف ملف ويتحقق منها فلو افترضنا ان في قاعدة البيانات مليون فايروس.

نجي لملف نصي لنفترض انه بأسم Dandon.txt تخيل انه يشيك على هالمليون فايروس ويشوف هل هنالك ارتباطات بينه وبين هالملف او تشابه في الامتدادات والمسميات. وهلم فجر على جميع الملفات اللي عندك بالجهاز.


وبعذره يكون بطيئ بعض الشي.

بس ياليت توضح لي كيف يعني يمكن اختراقه .؟!

[الجـــــوووري]

سلمت يمناك
يعطيك العاآآفية

[ابو وسن]

http://www.m5znk.com/uploads/c9566f9a2f.gif